CERTAME LITERARIO: Auga que flúe, fonte de rimas

Xa está en marcha a IV edición do concurso “Galicia, auga, literatura e rap”, que este ano trae unha importante variante. Os escolares terán que dar a súa visión, a modo de rap, das grandes obras da literatura galega nas que a auga esté presente.

Os pasos a seguir son:

- Elixe a pasaxe ou texto entre os clásicos da literatura galega nos que estea presente a agua.  - Fai a túa propia versión a modo de rap e grávaa en vídeo.  - Participa de xeito individual ou en grupo (máximo 4 persoas)  - Manda o teu vídeo a marketing@lavoz.es co asunto “Concurso: Galicia, auga, literatura e rap”. - Tamén podes subir o vídeo a twitter co "hastag"#augaliteraturaerap e mencionar a @augasliterarias.

Ademais dos premios en categorías infantís e xuvenís e para profesores, este ano a organización considera un premio para o video con  máis retweets entre os que se subiron a Twitter. Por iso, habilitouse a un usuario de Twitter relacionado con esta acción: @augasliterarias.

As escolas ou aulas que …

ENCONTRO COA ESCRITORA MARÍA SOLAR

Este martes, 24 de maio, María Solar achegouse ao noso centro para falar cos alumnos de 2º da ESO sobre O meu pesadelo favorito.

A autora comentou con nós distintos aspectos do libro, respondeu amablemente as cuestións plantexadas polo alumnado e asinou os seus exemplares.

María Solar, que presenta actualmente o informativo A revista fin de semana da TVG, vén de recoller o premio Mellor Libro Infantil e Xuvenil que concedeu a asociación de editores, escritores e libreiros na I Gala do Libro Galego. Este recoñecemento súmase a outros moitos que ten acadado este libro: premio Lazarillo de creación literaria 2014; incluído na prestixiosa lista White Ravens; Libro do ano 2015 na revista Fervenzas literarias

Outros libros da popular xornalista son O tempo do revés, Boa sorte, O fillo do Pintamonas, Vou ter un irmán!! (premio Frei Martín Sarmiento 2014), As meigas de Lupa, A verdadeira historia da mosca da tele (premio Frei Martín Sarmiento 2014).

Agradecemos moitísimo a María o tempo que nos adicou, as súas palabras e a súa simpatía e amabilidade e  esperamos que as súas últimas obras, Teño uns pés perfectos e As horas roubadas (esta última, novela para adultos) teñan a mesma aceptación que O meu pesadelo favorito


Se queres saber máis sobre esta autora, preme aquí