VISITA DA ESCRITORA LEDICIA COSTAS

Este mércores, 6 de xuño, a escritora Ledicia Costas visitou o noso colexio. Os alumnos de 2º da ESO tiveron a oportunidade de falar con ela sobre as súas obras, especialmente Jules Verne e a vida secreta das mulleres planta, Premio Lazarillo 2015, que leran no segundo trimestre.
A autora presentoulles dous breves vídeos nos que se recollían os feitos reais que inspiraron o libro: as dúas visitas do escritor a Vigo, Sanjurjo Badía e revelloulles algunha que outra anécdota. Comezou logo un coloquio autora-lectores que resultou do máis gratificante: o alumnado realizou moitas preguntas sobre o libro, a lectura e o proceso de creación que a galardonada escritora contestou amplamente.
Falounos da importancia que ten para un escritor a lectura, do duro que foi a elaboración de Un animal chamado néboa (o seu libro máis apegado á realidade e ambientado na guerra civil), das alegrías que lle teñen dado os seus libros, das súas lecturas e autores favoritos…

Moitísimas grazas, Ledicia Costas, po…

BASES DO IV CONCURSO DE POESÍA INÉDITA: “CANDO FALO DE OURENSE O MEU CORAZON DIME…”CÍRCULO POÉTICO OURENSANO

     O círculo poético ourensano convídanos a participar  nun novo concurso de poesía, onde os nosos alumnos de secundaria darán una visión poética sobre a súa cidade, Ourense.




O CÍRCULO POÉTICO OURENSÁN

CONVOCA

O IV CONCURSO DE POESÍA INÉDITA  CO TEMA:
“CANDO FALO DE OURENSE O MEU CORAZÓN DIME…”


BASES:



1.- Poderán participar todos os alumnos e alumnas de primaria e primeiro e segundo ciclo da ESO dos colexios da cidade de Ourense.

2.- A participación será cun só poema, en galego ou en castelán, o cal deberá ser inédito, non premiado noutros certames e que non estea integrado noutro concurso.

3.- Cunha extensión máxima de 40 versos.

4.- Entregarase en folla tamaño carta, por unha soa cara a dobre espazo en letra arial 12, ou ben en formato dixital.

5.- A obra presentaranse baixo pseudónimo ou lema, que figurará na primeira páxina así como no exterior da plica, como única identificación. No interior da devandita plica achegaranse os seguintes datos: nome e apelidos, dirección e correo electrónico, teléfono, breve nota biográfica e colexio ao que pertence.

6.- O poema entregarase na recepción do Hotel Francisco II, rúa Bedoya n.º 17 - Ourense-, ou nas oficinas de cada Colexio participante, en CD ou impreso, en sobre pechado e con pseudónimo; á parte a plica en sobre pechado e co mesmo pseudónimo.

7.- Os orixinais non premiados destruiranse tras o fallo do premio, sen que se manteña correspondencia ningunha sobre eles.

8.- A data límite de entrega de traballos será o 31 de Xaneiro do 2015, ao día seguinte dende as oficinas dos centros poñeranse en contacto con Círculo Poético para que algún dos seus membros pasen a recoller os traballos.

9.- O xurado estará formado por cinco membros de Círculo Poético Ourensano e por tres escritores recoñecidos e de prestixio no campo da literatura aos que se lles enviarán os  traballos  por vía electrónica, a súa composición só se fará pública coincidindo coa difusión do seu fallo. O xurado, que actuará con liberdade e discreción, e cuxas decisións son inapelables, corresponderá discutir e emitir o fallo.

10.- Os resultados  daranse a coñecer o 11 de Abril do 2015 nun acto público con participación de todos os concursantes que terá lugar na Escola de Artes Escénicas do Concello de Ourense, rúa da Canle n.º 4 (Ao lado do Auditorio).

11.- As plicas quedasen en resgardo do Círculo Poético Orensano.

12.- Entregarase diploma de participación a cada participante.

13.- Os premios serán os seguintes:

ALUMNOS E ALUMNAS DE PRIMARIA


- 1º PREMIO: Trofeo e un lote de 5 libros de poesía asinados e dedicados polos autores ou autoras e diploma.

- 2º PREMIO: Trofeo e un lote de 3 libros de poesía asinados e dedicados polos autores ou autoras e diploma.

- 3º PREMIO: Trofeo e un lote de 2 libros de poesía asinados e dedicados polo autor ou autora e diploma.

- 4º ao 10º PREMIOS: Diploma.


ALUMNOS E ALUMNAS DE PRIMEIRO E SEGUNDO CICLO DA ESO


- 1º PREMIO: Trofeo e un lote de 5 libros de poesía asinados e dedicados polos autores ou autoras e diploma.

- 2º PREMIO: Trofeo e un lote de 3 libros de poesía asinados e dedicados polos autores ou autoras e diploma.

- 3º PREMIO: Trofeo e un lote de 2 libros de poesía asinados e dedicados polo autor ou autora e diploma.

- 4º ao 10º PREMIOS: Diploma.


14.- Os 20 participantes gañadores recibirán ademais como premio a publicación do poema na Antoloxía: "Cando falo de Ourense o meu corazón dime... " proxecto editorial de Círculo Poético Orensano e do cal recibirán dous exemplares cada gañador, que se entregarán na gala do seguinte concurso.

15.- Os casos non previstos na presente convocatoria serán resoltos polo comité organizador.