VISITA DA ESCRITORA LEDICIA COSTAS

Este mércores, 6 de xuño, a escritora Ledicia Costas visitou o noso colexio. Os alumnos de 2º da ESO tiveron a oportunidade de falar con ela sobre as súas obras, especialmente Jules Verne e a vida secreta das mulleres planta, Premio Lazarillo 2015, que leran no segundo trimestre.
A autora presentoulles dous breves vídeos nos que se recollían os feitos reais que inspiraron o libro: as dúas visitas do escritor a Vigo, Sanjurjo Badía e revelloulles algunha que outra anécdota. Comezou logo un coloquio autora-lectores que resultou do máis gratificante: o alumnado realizou moitas preguntas sobre o libro, a lectura e o proceso de creación que a galardonada escritora contestou amplamente.
Falounos da importancia que ten para un escritor a lectura, do duro que foi a elaboración de Un animal chamado néboa (o seu libro máis apegado á realidade e ambientado na guerra civil), das alegrías que lle teñen dado os seus libros, das súas lecturas e autores favoritos…

Moitísimas grazas, Ledicia Costas, po…

"ENCONTROS LITERARIOS" NO LICEO DE OURENSE.


Hoxe e mañá celebrarase no Liceo de Ourense a vixésima cuarta edición dos "Encontros Literarios".

 Este ano os autores protagonistas da cita serán os magníficos escritores BernardoAtxaga e Xosé Luís Méndez Ferrín.        
O escritor guipuzcoano, membro de la Real Academia da Lingua Vasca-Euskaltzaindia e ante todo, un apaixoado da literatura, participará nos encontros hoxe mesmo no salón nobre da entidade. Atxaga ofrecerá unha conferencia titulada "Traxectoria literaria", na que analizará a historia das literaturas vasca e galega, e os seus puntos en común.       


Pola súa banda, Méndez Ferrín ofrecerá un relatorio que, baixo o título de "O Padre Feijóo dende Ourense", reflexionará sobre a figura do intelectual ourensano, en plena celebración dos 250 anos dende o seu falecemento.

*Fuente: La Región, 04/11/2014